Kötlusýning

Kötlusetur er stoltur samstarfsaðili Kötlu jarðvangs og tekur þátt í því öfluga starfi sem jarðvangurinn stendur fyrir.

 

Sýningin er staðsett í Brydebúð og er yfirlitssýning yfir helstu jarðvætti svæðisins. 

Frítt er inn á sýninguna og opnunartímar fylgja opnunartímum upplýsingamiðstöðvar.

Heimsækið www.katlageopark.com fyrir frekari upplýsingar um Kötlu jarðvang.

 

 

 

Við hafnlausa strönd - Skaftfellingur VE33

Vorið 2017 var opnuð sýning um eikarbátinn Skaftfelling að Víkurbraut 17 (Skaftfellingskemman) sem er beint á móti Upplýsingamiðstöðinni í Vík (Kötlusetur-Víkurbraut 28).  Ásamt þessu merka 300 tonna skipi og minjum, er hægt að sjá 20 mín myndband um samgöngur á sjó og eldri sýningu um 112 skipaströnd sem urður á Suðurströndinni.  

Skaftfellingur er skip með mikla sögu. Hann var farþega- og flutningaskip sem þjónaði Skaftafellingum og Vestmanneyingum um fjögurra áratuga skeið eða til ársins 1959. Skaftfellingur flutti fisk frá Vestmanneyjum og Fleetwood í Bretlandi öll stríðsárin og bjargaði þýskum kafbáti 1942. Sigrún Jónsdóttir kirkjulistakona falaði skipið af fjölskyldu Helga Benediktssonar og lét flytja það til Víkur árið 2001.

Verið er að skipuleggja 100 ára afmæli sem verður haldið 18.maí n.k

Aðgangseyrir sem fer fyrst og fremst í að halda áfram uppbyggingu safnsins er eftirfarandi:

Fullorðnir: 500 ISK

Ungmenni(12-16 ára): 200 ISK

Börn (undir 12): FRÍTT

Hópar(8+ fólk)= 25% afsláttur

Hægt að fá leiðsögn en þá bætist við 500.kr á mann

.

Hafa samband

+354 852 1395

E-mail: info@vik.is

www.facebook.com/skaftfellingurmuseum

Opið daglega samhliða opnunartímum upplýsingamiðstöðvarinnar.

 

Sigrún Jónsdóttir

- kirkjulistakona

Sýning á nokkrum verkum Sigrúnar Jónsdóttur listakonu frá Vík er í fundarsal á lofti Brydebúðar. 

Saga Sigrúnar er samtvinnuð sögu skipsins Skaftfellings en það var hún sem lét flytja skipið í ,,heimahöfn" í hjarta Víkurþorps árið 2001.

 

Það er draumur Kötluseturs að setja upp varanlega sýningu á verkum Sigrúnar og vonandi hefst það þegar Halldórsbúð hefur hlotið endurreisn.

 

 

© 2018 Kötlusetur

P1010117